‘Alipire Chindapusa Kaamba ka Chamba’

Bwalo la Milandu la Lisungwi m’boma la Neno lalamula anyamata atatu kupereka chindaputsa cha ndalama zokwana K200,000 aliyense atapezeka olakwa pa mlandu opezeka ndi fodya wa mkulu wa Chamba opanda kalata za chiloledzo.

Atatuwa ndi a John White, William Ndalama komanso Stonald Kazembe a zaka zapakati pa 20 ndi 22, ndipo anamangidwa pa malo opangira chipikitcheni cha apolisi cha Zalewa aliyense ali atanyamula thumba la Chamba pa njinga yake ya moto.

Atatengeredwa ku bwalo la Milandu atatu-wa anavomera mlandu opezeka ndi chamba zomwe ndikuphwanya gawo 19 ndime 4 ya malamulo owona za mankhwala ozunguza obongo.

Koma atatuwa, omwe amayendetsa Kabaza wa njinga za moto, anapempha bwalo kuti liwakhululukire ponena kuti iwo anangotumidwa kunyamula katundu-yo ndipo samaziwa zomwe zinali mkati-mo.

Ndipo m’chigamulo chake Oweruza mlandu Machila anati zifukwa zomwe anapereka atatu-wa zinali zomveka Komabe iye analamula iwo kupereka chindaputsa cho kapena kukakhala ku ndende kwa zaka ziwiri ndi miyezi 6.

Oweruza mlandu-yu analamulanso atatu-wa kupereka ndalama zokwana 100 Thousand Kwacha aliyense ngati akufuna kuwombora njinga zawozo.